يا صاحبي اطالبك خليني بحالي

يــآصآحبي طآلبــكـ خلنَــي بـــحــآلـــي
ما أبي "أضيـّق خاطرك" وأنت مرتاح

ياصــاحبي وإن غبت عنك " ليالي "
غــلاك بـــاقـي بــ الحــنــايــا ولا راح

تبي أسولف لك ، وش اللي جرالي ؟
أخــاف يمســح قولنا الصبـــح لا لاح

أجـــل تـعــال أجـلـس هـنـيـّـا قبــالي
دام الحـطـب طاح وكثير العتب طاح

لـو كــل شـخـص إلـيا عطيته وفالي
مـاكـان بــ الدنيـا حزن ليــل وجراح

ولـو كـل غـالي قـدّر إحساس غالي
ماشفت ذاك الدمع من محجره ساح

ولو كل قلب من الحسد جاك خالي
مايشتكي من شحّ الأمطار فــــلاّح

ولو كل واحد جاك طبعهـ مثـــالي
ماكان بالدنيا سجن ناس وإصلاح

ولولا الذنوب اللي بـكبر الجبالي
ماكان جيش الكفر لـ بلادنا إجتاح

ولو الردي يعرف وش معنى عيالي
ماقطّ أبوه بـــ دار الآلآم يـــا صاح

هــذا بعــض حـزن السنـين التـوالي
طير الحزن مبطي على خافقي ناح

مـا أقــول إن الـخـير مـاله مجـالي
لآ والـذي يفـلق من الليل الإصباح

لكـن هنا بـعــض الألــم يــاحتتلالي
وأنا أدري أن العود يوم أحترق فاح

أول أقــول إنـي صـبـور وشمالي
واليوم لآ والله إنفجر سدّي وباح

ماقلــت لك يـاذيب خـلّـني بـ حالي
هذا أنت ضقت وأذكرك جيت مرتاح

عاشت الايادي ابو سجاد

بارك الله فيك
تسلم الايادى فميا سطرت

تبي أسولف لك ، وش اللي جرالي ؟
أخــاف يمســح قولنا الصبـــح لا لاح

أجـــل تـعــال أجـلـس هـنـيـّـا قبــالي
دام الحـطـب طاح وكثير العتب طاح

احسنت اخ رمضان بارك الله بك
يا شاعر